Eur vouezik klevfed ouz ann noz,
Gwerz eur mesaer war ar roz.
Wecho velkent ve leun er poul,
Hag ar mor a diskuill eunn houl,
Eunn houlen pe diou losk er vro :
Unan ia bete Pontreo,
Hag heben damdosta d’Ar Roc’h,
Sioul ha klouar, na pelloc’h,
’Vel dre hec’h hun ra eur wregik,
Astennet gant-hi he blec’hik,
Ha dousik-dous ’kreïz ann huvre
A lar hano he c’harante...
Pa stagaz ar c’har-post e ker
Oa kouignaoua ’ti ar c’hleier.
Hag eur c’hloarek diwar he rez,
Bleuriel gant-han, ’vond emez :
— De-mad d’ac’h, hirie ma mammik.
Chetu ho mab da velegik.
