Gand ar c’hoadour a vond enn ker,
Glaou en he gar leun a zeier :
— Ma den mad, o redek ar vro,
Klevet ac’h euz piou zo maro ?
Karrikell ann Anko fennoz
Zo tremenet adren d’ar c’hloz.
— N’eo ket adren d’ar c’hloz, maouez,
Na ken-neubeut dre ann hent rez
Eo kar ann Anko tremenet,
Dre ann envo na larann ket ;
Dindan bolz ann envo fennoz
Oa trouz veur uz da Goad-ann-Noz :
Ann Anko krignet oar he gar
Zo et endro oar du Bêar.
Ha goude Bêar, dre ar vro
Ann Anko en deuz gret he dro.
Bransellet kloc’h ann anaon,
Ha ’kreiz peb iliz ar vaz-kaon,
