Pajenn:Proux - Bombard Kerne, 1866.djvu/93

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 82 —


Na wel med aour o lintri,
Mellezouriou o skedi,
War ann daol eur stal blajou,
Leun a beb seurt madigou.

Digor frang he ziou froen,
Da rufla ho mogeden,
Tramouillad ra he c’henou,
Ha lipad he vuzellou.

Divadaoui ra, velkent,
Gand ar c’hoez vad ; a nerz dent,
A greiz kaloun n’em laka
Da grignad ha da zrailla.

— « Ma feiz ! — me Iann ar Mezou,
Eunn askel enn he c’henou,
— » Beza aotrou zo gwall gaer !
» Me a renko choum e ker.

» Ann diaoul gand ar panez,
» Ann irvin, ar patatez !
» Hag ouc’h-penn c’hoaz ma renker
» Ho chakad er parkeier !

» Lounka dour vel gleskered,
» Houn-nez n’eo c’hoari e-bed !
» Gwella gwin zo e kear Is !
» D’ho iec’hed, aotrou markiz ! »


III.


Hogen, e kreiz ar stok-gwer,
Oe kleved eunn drouz pounner,
Gant merc’h Grallon o c’hoarzin,
Hi ha meur a vastokin.