Pajenn:Proux - Bombard Kerne, 1866.djvu/59

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 48 —

A-uz, heol splan,
Mor eonuz dindan,
Gourdrouz skiltr ann avel
Er wern huel.

Ho Peger stang e red
Ar gwad, er gwazied,
Hag er galoun.
Dibled, ha dispouroun
A drid zard, ha laouen,
Gand ar wagen.

Levenez ha didu !
Gweled brao a bep tu,
Ar peskik drant,
Al labousedik koant,
Lirzin, o tarnijal,
Pe o vragal.

Barz enn oabl glan, al loar,
Da noz, skedus, a bar ;
Stereden gaer
Patrounez ar sturier,
Ave Maris stella !
Mater Alma !

Alies e sonjer
Enn dousig-koant, er ger,
Er vamm, enn tad,
Ha gand hir huanad,
ann daelou tomm ha flour
A ruill enn dour.