Pajenn:Proux - Bombard Kerne, 1866.djvu/57

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 46 —



AR FUBUEN


LESTRIG A VREZEL


————


War Don : Gwennili tremeniad


I.


Displek da astellik !
Ma Fubuen koantik !
Mistr ha kempen,
War gribel ar c’hoummenn
Nij, herruz ha skan ;
Vel ar gwelan.

Prim, prim, a denn-askell
Ma doug eta, pell, pell,
Ouc’h ann douar
Ker karged a c’hlac’har,
Ker leun a boanniou kri,
Hudur a bri.

War da c’horre, mor frank,
Ne weler ket a fank,
N’euz na drezen,
Linaden, na spernen,
N’euz med ann dour, ann Ee,
Brazter… Doue !

Peger brao eo beva !
Peger brao alana !