Adlennet eo bet ar bajenn-mañ
— 28 —
DA’M C’HAMARAD A. BIJON,
Doktor-louzaouer e Kemperle
Te a oar frita louzou
Ouz droug-kof, remm ha pistigou,
Me a ziduel, gand eur zon,
Ann den gouliet a galon,
Me ra gwela, sonjal, c’hoarzin :
Em giz, n’oun-me ket medisin ?
————
AR ZOUDARD FOUGEER
————
FANTIG ANN DURKEZ, greg ar marichal
Sellit ! Sellit ! Ar briz-aotrou !
Penaoz e lugern he voutou !
Eur ribod blevek war e benn,
Keid ha losd eur big e chupen !
Diskan.
Kis ! Kis ! ma c’hi, d’ar briz Breizad !
Beac’h da gof-kar ar renead !
JANNED WIN-TOMM, amiegez.
He vleo zo ranned ha flouret,
He voustachou ruz zo peget,
Stumed e giz da higennou
Evit pesketa kalounou.
Diskan, Kis…
