Pajenn:Proux - Bombard Kerne, 1866.djvu/33

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 22 —


Keno kemend a garann, keno da virviken !
Pell ouc’h a Vreiz me varvo, mantret gand ann anken,
Vel eur blanten gizidik, evid ar vro krouet,
A renk gwenvi ha mervel, kerkent m’eo divroet.


————


D’ann Aotrou Herri, e Kemperle,
GWIR VREIZIAD A GALOUN HAG A IEZ


————


DISTRO AR ZOUDARD E BREIZ
(ANN DERVEZ KENTA)


————


I.


Da weled a rann adarre,
Va bro gared, Menez Are, —
Pell diouz-in poan hag enkrez !
Tridal a ran gant levenez !

Gweled a rann, — pell e draonien,
Tour ann iliz, er goumoulen ;
Ar moged, n’eur droidellad,
O tibrada uz ti ma zad.

Kleved a rann ar c’hloc’h sklentin,
Ar vombard, ar biniou lirzin, —
Eunn eured a zo dre ama,
Jadabao ! ebat ! tra, la, la !