Pajenn:Proux - Bombard Kerne, 1866.djvu/119

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 108 —
II.


Na n’int ket stang enn nep bro, —
Kolled ar moul a bell zo. —
Ar vignouned, peur-vuia, —
Na geront nemed ho tra. —
Stang ann hano a vignoun, —
Boull ann hini zo gwirioun. —

Pad zo leaz gand ar vioc’h,
Ez-int stoued dira-z-hoc’h ;
Ober reont chiboudou
D’ar c’hi, d’ar c’haz, — d’al loueou.
Mar teu d’ar vioc’h dileazan,
Kenavo mignoun, ha skan !


————


Da T.-V.-M. Billette, e Gwerliskin.
Kaera tra eo eur mignoun mad !


————


Ar C’hok-Raden hag ar Verienen


————


I.


Pad ann domder, ar c’hok-raden[1]
A gane nerz he gorzaillen ;
N’en doa preder nemed bragal,
Boeta c’houek, heoli ha tumpal.

  1. Ar c’hrill-zouar.