Adlennet eo bet ar bajenn-mañ
— 94 —
— Ar barner brao he debraz
Hag ouc’h ho fri, he chakaz.
— « Mad eo, me-z-han, ar voeden ;
» Setu d’e-hoc’h peb a grogen.
» Tud a bluen, tud a zae,
» Ni vev ouc’h ho fallente ! »
III.
Silaouid mad, genaoueien,
Tud tagnouz, heskinerien :
Neb a c’hounez ar breudou
A zeu, liez, divragou ;
— Ar paour keaz a goll, siouaz !
A zistro d’ar gear enn noaz.
————
Da I.-P.-M. Ar Skour, Barz Rumengol.
Tud a bluen, tud a zae,
Ni vev ouc’h ho fallente.
————
Ar C’hrac’h koz hag ann diou Vatez
————
I.
Eur c’hrac’h a oa, e Montroulez, —
Eur c’hrac’h varveg, — eur goz kazez, —
Hir he dent, — lemm hec’h ivinou, —
Trelatet gand diaoul ar skouejou.
