Pajenn:Pronost - I. Annaik II. Lili ha Roz Gouez.djvu/53

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 51 —


RE C’HLAZ BREIZ-IZEL
————
War ton : Cadet Roussel



Sonj hon euz c’hoaz euz ar re c’hlaz
A ioa gant Hoche, d’ann dispac’h vraz ;
Diwallomp, ar ouenn anezho,
Evel ieot fall, zo chomet beo.
Dalc’homp d’hor iez vel d’hor penn-baz,
Ha kriomp holl : harz ar re c’hlaz !

Ma n’eo ket evit skuill ar goad
Enn Arvor e taolont ho zroad,
Em’int o klask, dre bep ardou,
Lakat ar freuz enn hor meziou.
Dalc’homp d’hor iez vel d’hor penn-baz,
Ha kriomp holl : harz ar re c’hlaz !

Ar pez a c’halvont gwisiegez
Evid-omp zo trubarderez,
Ma karont kement ho gwezenn,
Ni gar gwelloc’h ann oferenn.
Dalc’homp d’hor iez vel d’hor penn-baz,
Ha kriomp holl : harz ar re c’hlaz !

Hag, evit-ho, ma n’ez euz ket
Baradoz nag ifern ebet,
Ar Vretouned a gred e Doue
Ha ne nac’hont ket ann Ene.
Dalc’homp d’hor iez vel d’hor penn-baz,
Ha kriomp holl : harz ar re c’hlaz !