Koulskoude an den kaez se.
Atao e peoc’h ne veve :
Eur vandennad hailhoned,
Pa veze an oabl goloet,
’Bigne war c’horre e di
Da ober jilivari
Dre leuskel diwar al lein
Da zizac’ha, berniou mein
Hon lakae da grena,
Meur a hini da ouela
Kredi a rae hon mestr kaez
Ez oa an anaon er maez,
Hag e lare gant kredans :
« Goullomp eur o delivrans ! »
Evid ar vad graet gantan,
Epad m’eo bet er bed-man,
Ez eo michans gopraet :
’Vit-se ’m eus kement pedet !
