Pajenn:Picard - E Menez Arre ha war hor maeziou.djvu/133

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 127 —


AR VRAN GOZ
————


An dremwel a oa glas, an amzer a oa yen
Pa welis o nijal, ’us d’an hent o tremen
War e eskell pounner, eur wech, da ziskar-deiz,
Eur malvran koz louet a vê da glask e neiz.
Pa ’n em gavas ’n o zouez, laouen e genseurted
’Zaludas e zistro ’n eur goagal unanet.

Kousket a rênt goude evel an evnigou
E goudor an avel a zec’he ar skourrou,
Hejet ha kemmesket… O kuzat eun heol gwenn
A vougas eun oabl trist ’barz an denvalijenn.

Eno ’plij d’in gwelet stroll eun tiegez mad
’Ziskouez e levenez, deuet d’ar gêr an tad,
Pa vez peurc’hrêt gantan, e labour talvoudus,
Hadet an ervennou ’n eun douar frouezus
Hag a gemer war-lerc’h en o gweleou kloz.
Er peoc’h hag er gwasked, eun nozvez a repoz.


————