Adlennet eo bet ar bajenn-mañ
86
Dragon Sant Paol.
NAN.
Ah ! va mamm pa glevo.
PAOL.
Bezit fisians eta ha Doue ho salvo.
Pedit.
SULIAU.
Pedi petra, Doue a zo bouzar
Ne glev na ne wel ac’hanomp er c’hlac’har
Pedet awalc’h hon deuz !
PAOL.
Red eo c’hoaz kenderc’hel.
Dont a rai e klevo o youc’hadenn santel.
O Krist Jezuz c’houi zo el levenez
Sellit ouzimp, rak ni zo en enkrez
Ni zo evel an eïn etre skilfou ar bleizi
Ma n’hor sikourit ket, diframmet e vezimp-ni
Krist Jezuz c’houi zo el levenez
Sellit ouzimp, rak ni zo en enkrez.
ar baganiz, a bell.
Deomp, deomp, deomp, deomp, deomp, deomp d’ar gad
Deomp breur, deomp kar, deomp mab, deomp tad
Deomp, deomp, deomp oll, deomp ta, tud vad !
