Adlennet eo bet ar bajenn-mañ
46
Dragon Sant Paol.
HERVE.
Beleg ar C’hrist eme va mamm a ya da vleiz
Bep loar nevez hag a zebr ar vugale geiz
A bella diouz ar gear
PAOL.
An dra-ze a zo gaou
Beleg ar C’hrist ho kar kement hag ho mammou
ENEOUR ha BENEN.
Kement hag hor mammou ?
PAOL.
Ha kalz muioc’h zoken.
EFFLAM.
Ho Krist hag hen a gar ac’hanomp ?
PAOL.
Ya laouen !
EFFLAM.
Neuze ni a deuio divezatoc’h d’ho kaout
Ho Krist p’eo gwir hor c’har a garfemp da anaout
BENEN.
Hizio eo mall deomp mont étrezek an tantad
Troz a c’hellfemp klevet ma vefemp divezad
