Pajenn:Perrot - Alanik al Louarn.djvu/85

— 83 —

’Vit an drede plonjadenn
Ar paotr a zo beuzet.

E dad a oa er prenest,
Ha diroll da ouela.

Tri mab am eus-me ganet.
O zri ez int beuzet.

E bered sakr an Dreinded
O zri e vint besiet.

Kanet d’in gant F. Guillou, eus Kervaliant, eun ni d’an Aot. Guillou, ar skrivanier bras.

J.-M. P.

---

Bleuniou Breiz

————

Kinniget d’an aot. Markiz de l’Estourbeillon, Rener K. B. B.

Ar zon-man a zo bet kanet epad roïdigez ar bodou bleun bruk da aotroned K. B. B., en em zestumet e Keryan d’an 12 a viz gwengolo 1905, evit selaou ha gwelet « Potred Sant-Nouga » o c’hoari « Job al Lounker » hag « Alanik al Louarn. »

I

Gant ho kleierigou rus-wen,
Bruk Breiz, sonit heb ehan
Er menez ha war an teven,
’Vit an oll gwitibunan.
War an teven hag er menez,
Gant an ezennik hejet,
Sonit eur c’han a levenez,
Rag Breiz a zo dihunet !