Pajenn:Perrot - Alanik al Louarn.djvu/69

— 67 —

GOULC’HEN, drouk ennan :

Sot, hennez ! — Ya, m’oar vad sur, ya,
Re louarn eo da vihana !
N’eo ket gwir, Eozennik, lavar ?

EOZENNIK

Eo, va zonton !

LAN

Eo, va zonton ! Pebez safar
A rit, goest da vouzara tud !

GOULC’HEN

Ha c’houi rafe mat beza mud
’Vit ma c’hellin dont a benn
Da beurzibuna va c’hudenn.
Oh ! an den ze, aotrou barner,
Ne ra nemet liva gevier.

AR BARNER

Ker foll ha ker foll hoc’h ho taou,
Ha pec’hed eo chom d’ho selaou.

LAN

O daou int foll ha diempenn.

GOULC’HEN

C’houi ne dalit ket ar gordenn
D’ho krouga. — C’houi eo a laeras
Va mezer-me, deac’h !

LAN

Va mezer-me, deac’h ! Ah ! paourkeaz !