Pajenn:Perrot - Alanik al Louarn.djvu/35

— 33 —

PEMPED DIVIZ

————

PRIMEL, GOULC’HEN hag ALAN

PRIMEL, da C’houlc’hen o tont en ti

Goustatoc’h !

GOULC’HEN

Goustatoc’h ! Petra ’zo ’nevez ?
Peleac’h ema da vestr ganez ?

PRIMEL

E pe leac’h, Santez Anna !

GOULC’HEN

E pe leac’h, Santez Anna ! Ya !
Lavar ’ta d’in ’peleac’h ema ?

PRIMEL

El leac’h ma rank chom pennasket
Pell ’zo, siouaz, gant ar c’hlenved.

GOULC’HEN

Piou an dial ?

PRIMEL

Piou an dial ? Oh ! en han ’ Doue,
Ne garnachit ket evelse,
Rak moredet eo, a gredan.

GOULC’HEN

Piou ?

PRIMEL

Piou ? Va mestr, an Aotrou Alan.