Pajenn:Milin - Oeuvres posthumes - 1.djvu/77

Eus Wikimammenn
Adlennet eo bet ar bajenn-mañ
— 82 —


II


PA VOAN POTR BIHAN


————


215Breur oa d’am zad ; o tond er bed
Gant-han ez oun bet badezet
Ha d’in, kristen, e roaz hano
He vreur iaouank nevez-maro.

216Goude, d’he di eus ti va mamm
Ez ejoun da joum iaouank flamm,
Ha mar boe den euruz biskoaz
Eo me gant-han tost d’ugent vloaz.

217Gant-han, me a zo bet savet
Gant-han gwisket, skoliet, karet,
Oc’h he welet ’ tesken bemdez ;
N’euz den euruz hep madelez.

218Araok, gant va mamm ha va zad
Em boa desket meur a dra vad ;
Da bevar bloaz lenn brezounek
Ha karet ar paour ezommek.

219Eat da Zantek war-dro c’houeac’h vloaz,
E ti va iontr, e voe d’in eaz
Diwar c’hoari ar gornigel
Kreski eun tamm va skiant bugel.