Adlennet eo bet ar bajenn-mañ
— 74 —
Da ilis sant Paol e penn-Baz
Gan-ez, gant-ho ez aïmp warc’hoaz
Hag e savimp gand hor c’haloun
Eur c’hantik nevez d’hon Itroun.
Ar vamm, ar c’hoar a lavaraz
Hag antronoz holl da Benn-Baz
Ar vartoloded da genta
Ar merc’hed d’ho heul a ia.
————
I
EUR BELEK KOZ
————
Goude sant Paol kalz beleien
Zo bet enn Enez-Vaz o ren,
O sklerijenna an eneou,
Touriou tan war hent an nevou.
Abaoue kant vloaz pe war-dro
N’euz ket bet eur belek er vro
Ha n’en defe bet kalounad
Ha gouelet leiz he zaoulagad.
O welet ’vel eur baourès keaz,
Beteg he daoulin eat enn treaz
Ilis kenta Abostol Leon
Enn noaz o tiwal an anaon.
