Pajenn:Milin - Oeuvres posthumes - 1.djvu/45

— 50 —

122Peden ar vamm war benn ar map
A zigas bennoz Doue, he dad,
A gas enn he raok ar Werc’hez
D’hen distrei d’ar gear heb enkrez.


123Ema o tont, tostât a ra
Beg eur wern vraz o tispaka
A weler du-hont enn avel,
Dreist ar Benn-wenn a bell, a bell ^[1] .

————

AR BARR-AMZER

————

124Dreist ar Benn-wenn hag hueloc’h
E kreiz an oabl a-bez o loc’h ^[2]
Penn eur valken spountuz, du-pod ^[3]
War gein ar gwalarn ’ deu d’an aod.

125Ar bar-amzer zo o wiri
A laka skrij enn izili ^[4] ,
Enn daoulagad eur mor daëlou
Hag anken doun er c’halounou.

126Pedit, priejou ha mammou,
Pedit stard, pedit ann Aotrou,
Ar Werc’hez ha santez Anna,
Evit ho tud, pedit brema !

1. Nom breton d’un rocher en mer.
2. Oabl, atmosphère, dérive de gwabr. Cf. lat. vapor.
3. Eur valken, un gros nuage en forme de ballon.
4. Texte : a lakaï