» Te vel eta, va mab biban,
» E c’hellez ’vel al laouenan
» C’hellez ’vel ar voc’h-ruzik kez
» Diskouez d’ar Zalver karantez.
» Bez atao fur ha gwir gristen,
» Kar da Zoue hag e lezenn.
» Kar iliz Jezuz hag ar Pab
» Ha bez evito eur gwir vab.
» Pa vi bras sav da benn uhel,
» Anzav heb mez da feiz santel.
» Ha mar bez red t’he difenno,
» T’he difenno bete ’r maro.
» Neuze ’ri ’vel ar voc’h-ruzik
» Hag evel al laouenanik.
» Ha Jezuz ive eun devez
» Zello ouzid gant karantez.
» ’N eur lavaret : « deuz, Saïk fenoz,
» Deuz ganen-me d’ar baradoz. »
