Pajenn:Luzel - Gwerziou Breiz-Izel vol 2 1874.djvu/55

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



SEZIZ GWENGAMP
Kenta Kentel.
________


I


  Mar plij ganac’h a selaoufet
Ur werz a zo ’newez savet ;
D’ar gêr a Wengamp ez eo grêt,
’Zo gant Denombra komerret [1].

  Bars ar bloaz pemp ha pemzek kant,
   ’Tessas ar seziz war Wengamp.
War bors Mikêl ’oa ar Saozon,
Ann Allmanted war bors Roazon.

  War bors Treger ’oa ’r Flamanted,
War bors ’r blomenn, ann Irlanted ;
War bors ’r blomenn, ann Irlanted ;
Karget ’oa kêr a soudarded.

  Trompiller ar prinz a lâre,
War borziou Gwengamp pa skoë :
— M’ho ped, digoret d’in ho tor,
Trompiller ar prinz c’houl’ digor.

  Trompiller ar prinz ’zo ama,
O c’houl’ digor da Denombra ;
O c’houl’ digor da Denombra,
Tric’houec’h mil soudard ’zo gant-han.

  Tric’houec’h mil soudard, tud vaillant,
Da lakâd ar seziz war Wengamp.
— Ho ! ma forzio ’zo moraillet,
Ma mogero, fortifiet ;

  Hag ’vec’h aze dek miz amzer,
Birwikenn n’antrefet en kêr,
Ha n’ digorinn ar porziou-man,
Ken ’m bô komzet euz Melkunan,

  Paramant ann dukes Anna,
Ar re-se ’gommand er gêr-ma.
Porzier Gwengamp a lavare
Da Velkunan, p’hen salude :

  1. On pense que ces différentes dénominations Denoblin, Denombre, Denobre indiquent le prince de Dombes