— Ober goap ’fell d’id, michiek,
Ur plac’h a bemp mil skoed leve,
Ur plac’h a bemp mil skoed leve,
Ha te na t’eûs gwennek anhè.
— ’Wit-on da vea michiek,
O lipad da blajo n’on ket bet ;
O lipad da blajo n’on ket bet,
Nag iwe plajo Recho ’bed !…
Jannedig Derrien a oele,
Ervoan Gwillou he c’honsole…
Jannedig Derrien a lâre
D’Ervoan Gwillou, el leur-newe :
— Mar karet ma diwall fete,
Me ho komerro goude-se.
— Tapet-krog en bask ma chupenn,
M’ c’hoariinn gant ma baz daou-benn !…
Kriz a galon nep na oelje
El leur-newe nep a vije,
O welet ar ieot o ruzia
Gant gwad ’nn dut-jentil o skuilla ;
Gant gwad ’nn dut-jentil o skuilla,
Ervoan Willou euz ho lac’ha !
Ervoan Gwillou a lavare
’N ti ’nn Derrien koz, pa arrue :
— Setu aze ho merc’h Jannet,
Penamet on-me na oa ket !
— Dalet, Jannedig, ann alc’houez,
Roït d’ehan gwerz un tok-newez.
— Gwerz un tok-newez n’hen defo ket,
Me hen komerro da bried.
Ervoan Willou ’n eûs goneet,
En Prad-Melar o vea bet,
