Ma vije beo c’hoaz Kermorvan,
Hen ’raje did, Kerdalouarn ;
Hen ’raje did, Kerdalouarn,
Dibri ann dirr hag ann houarn,
Hag ar c’hik diwar da eskern……
Met te ’ zo daonet en ifern ! —
Kanet gant ur goaderes, en Loguivi-Plougras. — 1868.
Komt ar Chapel, breur ar Markiz,
A zo prisoniet en Paris.
— Petra ann torfet hen euz gret,
M’eo komt ar Chapel prisoniet ? —
— Torfet a-walc’h hen euz bet gret,
Paj ar roue gant-han lazet !
Lazet gant-han paj ar roue,
En he bresanz, gant he gleze !…… —
— Itron Varia a Greiz-ker,
Na gavfenn ket ur messajer,
A gassfe wit-on ul lizer,
D’ laret d’ar markiz dont en ker ? —
Ar jeolieres a laraz
Da gomt ar Chapel, p’hen klewaz :
— Skrivet ho lizer pa garfet,
Messajer a-walc’h ’vo kavet ;
Messajer a-walc’h vo kavet,
Messajer ar post ’vo kasset.
