Pajenn:Luzel - Gwerziou Breiz-Izel vol 1 1868.djvu/472

   Pe barnedigez ’rofac’h dun den ^[1]
A deufe d’ho ti gant armou ;

   A deufe d’ho ti gant armou
D’ gerc’had ho tud hag ho madou ? —

   — Mar be païsant, hen krouga,
Mar be denjentil ’n distruja ;

   Mar be denjentil, ’n distrujan ;
Setu ’r varn a rofenn d’ez-han…… —
. . . . . . . . . . . . . . . . . .

   Naïk ’r Waz-arc’hant a lare
D’ann aotro Logdu eno neuze :

   — Aotro Logdu, mar am c’hredet,
D’ar ger a Razon n’iefet ket ;

   D’ar ger a Razon n’iefet ket,
Un draitouraj bennag ’zo bet,

   Ha mar bet tiet en Razon,
Ho penn a baëo ho ranson. —

   — Drouk ha mad gant nep a garo,
D’ar ger a Razon me ielo !…… —

   Et ez eo Logdu da Razon,
War-gein un inkane mignon ;

   War-gein un inkane mignon,
Hag hen houarnet gant leton ;

   Houarnet eo gant leton gwenn,
Ur brid arc’hant ’zo en he benn.

   Pa oa o vont gant ann hent-braz,
Paotr ar Baron a rankontraz :

   — Aotro Logdu, mar am c’hredet,
D’ar ger a Razon n’iefet ket,

   Rag sur oc’h da veza tapet,
Ho unan ez oc’h em varnet :

   Ha mar bec’h tapet en Razon,
Ho penn a baëo ar ranson. —

   — Me ’zo bet kant-gwes en Razon,
N’ gredann ket ’ve paotr ar baron ;

   N’ gredann ket ’ ve paotr ar baron
Ma zistrofe d’ vont da Razon. —

1. Le vers est faux et ne rime pas, c’est sans doute la faute du chanteur.