Pajenn:Luzel - Gwerziou Breiz-Izel vol 1 1868.djvu/406

Kadarnaet eo bet ar bajenn-mañ

   — Me garrie ma mab badezet,
Hag en douar tric’houec’h goured ;
Hag en douar tric’houec’h goured,
He vamm o vale war ar bed ! —

   — Me ’m euz tri mab en Pontplankoat,
Melenn ho bleo, glaz ho lagad,
Hag ’hell gant gwirionez laret
Biskoas mamm na d’euz ho ganet ;

   Biskoas mamm na d’euz ho ganet,
Dre ho c’hoste int bet tennet.
Ter Marc’harit am euz-me bet,
Hag ho zer es int-hi marwet :

   Ter groeg Marc’harit am euz bet,
Siouas ! ho zer am euz kollet ;
Marc’harit Rohan, ’nn diweza,
Laka ma c’halon da ranna ! — ^[1]

Kanet gant Mari-Job Kerival.
Kerarbrorn, 1848.

_________

PONTPLANCOAT.

EIL GWES.

________

I

   — Marc’haridik ma merc’hik koant,
Komz ho timizin am euz c’hoant,
Ho timizi da Bonplancoat,
A gafann ’zo un intanv mad. —

   — Raison, ma mamm e ho klewet,
Oboïssa d’ac’h, ’zo dleet ;
Met d’ Bonplancoat mar timezann,
Adieu da joaïo ar bed-man !

   Peder fried Marc’harit ’n euz bet,
Ho feder int bet digoret ;
Ho feder int bet digoret,
Siouas ! ha me vo ar bempvet. —

II

Dimezet int hag eureujet,
Ha tri miz hanter e padet,

↑ Il y a des maisons nobles du nom de Pontplancoet dans les communes de Plougoulm et de Plougasnou (Finistère).

[1] Il y a des maisons nobles du nom de Pontplancoet dans les communes de Plougoulm et de Plougasnou (Finistère).

[1]