Pajenn:Luzel - Gwerziou Breiz-Izel vol 1 1868.djvu/328

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



ROZMELCHON.
GWES KENTA.
________


I


   — Ma zad, ma mamm, mar am c’haret,
N’am c’hasset ket d’ar varadek ;

   N’am c’hasset ket d’ar varadek,
Gant Rozmelchon ’z on c’hoantaët. —

   — C’hui iel’ abred warc’hoas ’r beure,
Pa vo Rozmelchon ’n he wele. —

   Naïk ar Manchou n’ouie ket
Oa ’n tall ar prennestr o klewet. —


II


   Kenta den a deuz rankontret,
E Rozmelchon, ’n korf he roc’hed ;

   E Rozmelchon, ’n penn he ale,
Savet abred euz ar beure.

   — ’Naïk c’hui ’zo abred savet,
Pelec’h ma ’z et, pe ma ’z oc’h bet ?

   Deuit-c’hui ganin-me d’am zi,
’Wit ma tebrfomp hon dijuni. —

   — Debret ganin ma dijuni,
En Kvezennek verreninn, [1]

   Euz taol ann aotro, ann itron,
Ar re-se am c’hrar ’n ho c’halon. —

   — Naïk deut ganin d’am jardinou,
’Wit dibab ar c’haera bleuniou ;

   ’Wit dibab ar c’haera bleuniou,
D’ar baotred iaouank ’vo eno. —

   — En Kervezennek ’z euz kanvou,
D’ar mab-henan, a zo maro. —

   — M’e marw mab-henan ann aotrou,
N’eo ket c’hui zougo ar c’hanvou. —

   — Tec’het, aotro, ma tremeninn,
Pec’het oc’h euz balamour d’inn ;

  1. D’autres versions portent Kergwezennec et Kervezelec. Kervezennec et Kergwezennec ne sont que le même nom, et ils sont tous les deux très-communs en Basse-Bretagne.