D’ar jardinn hi a zo bet et,
Ur mab-bihan a deuz ganet ;
Ur mab-bihan a deuz ganet,
En douar a deuz-han plantet……
. . . . . . . . . . . . . . . . . . . .
Ar benheres a hirvoude,
Na gave den hi c’honzolje ;
Na gave den hi c’honzolje,
Met hi maerones, hounnes ’ ree :
— Tawet, fillores, n’ oelet ket,
Ganin-me da Lanwenn ’teufet ;
Ganin-me da Lanwenn ’teufet,
M’ho lakaï en kambr gant m’ dimezelled. —
— Tawet, maerones, brao eo laret,
Ken ’ ve kestion da welet.
Me ’ ia brema d’ Lann-Blounevez, [1]
Da c’houd ha ’ma m’ mamm en buhez ! —
Kerlies kammed ha ma ree,
Bet ’ ann douar hi a zemple.
En Lann-Blounevez p’eo arruet,
’Tall ar potanz eo daoulinet ;
’Tall ar potanz eo daoulinet,
Pardon hi mamm deuz goulennet.
— Aotro Senechal, lest m’ mamm en buhe,
Me ielo d’ar maro wit-hi ! —
— Na eo ket arru c’hoaz ann de,
Ma varw ann eil ’wit egile. —
— Me ’m euz tric’houec’h-mill skoed leve,
Kement-all en douar-newe ;
Kement-all en douar-newe,
Hag a reï dac’h holl ann ez-he. —
. . . . . . . . . . . . . . . . . . . . .
Mari ’r C’habitenn a lare,
’R vaz huella ’r skeul pa bigne :
- ↑ En la commune de Plounevez du Faou. Le Châteauneuf ou Kastell-newez dont il est parlé dans cette pièce est aussi Châteauneuf du Faou, dans le Finistère, arrondissement de Châteaulin.
