Pajenn:Luzel - Gwerziou Breiz-Izel vol 1 1868.djvu/178

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ



V


   Ar plac’h-iaouank n’ deuz ket sentet,
(Kalz a re-all na reont ket),

   D’ar stang gant-han hi a zo et,
Ar stang gant-hi ’zo dizec’het ;

   Ar stang gant-hi ’zo dizec’het,
Hon Zalwer ’zo apariset ;

   Hon Zalwer a aparisaz,
’R mouchouer digant-hi ’lemaz :

   — Dama, plac’h iaouank, ’r mouchouer
Aman en-han goad ho Salwer :

   Pa oa ’r mouchouer d’ac’h roët,
Dor ’nn ifern ’dan-oc’h ’poa serret ;

   Dor ’nn ifern ’dan-oc’h ’poa serret,
Dor ’r baradoz uz d’ac’h digorret :

   P’eo ’r mouchouer digant-oc’h lemet,
Dor ’nn ifern ’dann ho treid ’zo digorret ;

   Dor ’nn ifern ’dann ho treid ’zo digorret,
’R baradoz uz d’ho penn serret !

   Adieu, plac’h iaouank, kenavo,
Joa ar baradoz, pe war-dro ! —


Kanet gant Mari Audern, eus bourk Plunet. — 1867.


──────────