Pajenn:Luzel - Bepred Breizad.djvu/274

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



IEZ KOZ HON ZADO.


————


Piou lavar ez è marw en Breiz
Speret ar rè-gòz hag ho feiz,
Hag é kollomb hon iez beb-deiz ? —
 
Piou lavar vezò ar Gallek
A dréc’hò war ar Brézònek,
War ann derw kàled ann hàlek ? —
 
Beò-mad è speret hon zàdô,
Ha keit hag ar bed é pàdò,
Rag mui hen kàromb ’wit màdò.

Hon gwerziou kòz, ni hò c’hàn c’hoaz,
Er menez, war aod ar mòr-glaz,
’Vel hìriò, ho c’hànò warc’hoaz.