Pajenn:Luzel - Bepred Breizad.djvu/268

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



» Eùz hò c’hlewet, ha tost ha pell,
» Mé gàn iwé a vouez huël,
» Hag al lin di-war ma c’heïell
» Ez ia en neud war ma c’hànell.

» Med kùzet èz ann heol, me gred,
» Ha war ma c’harr ez oùn bépred : —
» Bara zégal, laès ha krampoez,
» Ha setu koan ann néerez !

» Ré-all ’zò a debr bara-gwenn,
» A debr kik-bìr, ev chistr melenn,
» Ann dud pinvidik ar ré-zé, —
» N’int ket eurusoc’h, martézé. —

» ’Liès hò gwelan ò trémenn,
» Dibaot ez hò gwelet laouenn,
» Ataò ’zò eùn dra hò nec’han,
» N’hò c’hlewan morsé ò kànan.