Pajenn:Luzel - Bepred Breizad.djvu/264

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



II.


« Ma c’harr, ma gwerzid, ma c’heïell,
» Ha ma neùd-lin war ma c’hànell,
» Gant-ez oùzon gònid bara,
» ’Wit-zé hò c’hàran dreist peb-tra. —

» Dreist peb-tra, goudé ma mammik,
» Ma mammik paour ha ma zàdik,
» Ha goudè hon Zalwer Jezuz
» Hag ar Werc’hez madelézuz.

» Ma c’harr, té a ró d’in dillad,
» Eneb ar goanv krìz ha dìvad,
» Hag er marc’had me werz ma neud,
» Ha, d’ober krampoez, a brén bleud.

» Mé brénò c’hoas gant ma c’harik
» Eur c’hòg ruz hag eur bolezik,
» Ha martézé eùn oanik gwenn,
» Kerkoulz ha Soezik Liboudenn.