Pajenn:Luzel - Bepred Breizad.djvu/246

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ



JANNÉDIK KOANT.


————


En hanv, da viz ewenn, pa vé koulz ar falc’her
Da falc’had ar prajou, pa gàn ann alc’houeder,
Ar goulm, ann durzunel, pa vé leùn ar parkou
A ed-glaz, a velchon, a c’houez-vad ann henchou ;

Pa luc’h ann heol en oabl, pa rà peb evn hé neiz,
Er c’harz pé er wezenn, eul lùn, da abardeiz,
Jannédik koant làré da Yvòna Rosmad,
Pa oant ò c’hòrò ’r zaoud, hò diou, en korn ar prad : —

— « Bezet drouk, bezet mad gant ann neb a gàrò,
» Na ràn némeur a forz, mè làr hag a làrò,
» Er bloas-ma ’tìmezin ! » — Tortet gant ar gozni,
Hag ar boan, Gaodik-kòz neuzé làraz d’ez-hi : —