Adlennet eo bet ar bajenn-mañ
ANN ITRON VARIA SANT KARÉ.
————
- War dôn - Ar Roue Gralon :
- « Petra ’zo newez enn kear Is ? etc… »
I.
Iannik Kerlann oa eur paotr mad,
Huël he benn, glaz he lagad,
Ruz he ziou-jod, he vleò melenn,
A gàne gè eur ganaouenn. —
Er pardòniou, leuriou-newez,
Merc’hed Plouaret, Plounevez,
Holl hen kavent ha krenv ha koant,
Hag holl hò defoa d’ez-han c’hoant. —
Allas ! neb a welfe breman
lannik paour, war he welé klàn,
Treùt ha dinerz ha drouk-liwet,
Allas ! n’hen anavefe ket ! —
