Pajenn:Lescour - Telenn Remengol.djvu/34

12

TELENN REMENGOL

D’ANN ITROUN VARIA REMENGOL

————

Da varz Laouenan-Breiz

————

War don : Eliedik, ma merc’hik koant.

E korf ma roched, diarc’henn,
Ha ma zal pleget er boultrenn
Ez ounn deut hirio d’ho kwelet,
Evel m’am boa d’e-hoc’h lavaret.

Me glev al labousedigou
O kana drant d’hoc’h ho zoniou ;
Ha me aman e toull ho tor,
Na gredann ket goulenn digor.

Barz kez Remengol, pelerin,
A zo aman war he zaoulin ;
Plijet gan-e-hoc’h zellet out-han
Ha digeri ho tor d’ezhan.