Pajenn:Le Prat - Trubuilhou an aotrou Gargam,1909.djvu/17

11

TRUBUILHOU AN AOTROU GARGAM

---

O mevel fall ! Kounnari ’ran !…
Daoust m’eo va c’halon en anken,
Lakaomp bepred eun dremm laouen !…
Gouzanv an dud hag an amzer
A zo daou dra red da ober !…
Digorit !…

————

UNNEKVET DIVIZ

AN A. GARGAM, UR BARAER

AR BARAER (Eur vouchen vad a vara gantan).

Deiz mad d’an aotrou !

GARGAM

Ha dit, va faotr… Perak ama
E tegasez brema ’r bara ?

AR BARAER

Ho tigarez, mar plij, aotrou !

GARGAM

Ya, ya, gwelet ’ran da droiou !

AR BARAER

Koulskoude gwir a lavaran :
Blavez mad d’eoc’h a reketan !