Pajenn:Le Joubioux - Doué ha mem bro.djvu/68

Eus Wikimammenn
Sauter à la navigation Sauter à la recherche
Gwiriekaet eo bet ar bajenn-mañ
— 64 —



Ghet-n-ein de Santès-Anna, de bedein eit hou tad.
— Oh ! ya, sentus a vehemb ha gobérus, mam vad.

— Ha chonj a hès-té, me hoér, ag hur moèreb Jannik ?
Pe laré demb histoérieu, mud-oemb, ne sannemb grik.

Hi a gonzé ag ur har, ag ur har lan a dan,
A drezé, de noz, er vro, hag ar nehou Satan !

Konzein a ré ag er ré a ya eit fal hobér,
Peb sadorn noz ar er mor, harpet ar ou dantér.

— Pe zé en han é taibremb étal en or hur hoén :
Aveit stalein hur predik, n’hur boé ket kalz a boén.

Ur mein hur boé eit kadoër, aveit taul hun deulin ;
Ha leah douç gùennoh eid erh a ivemb é léh gùin.

— Chonj a hès-té ag er brud, ag er brudik distér,
A sàué a dal peb dor pen-d’er-ben ag er ghér.

Hoarhein a remb a galon, oh ! ya, a galon vad ;
Ha, ként monnet de gousket, é pedemb Doué hun tad.

— Ha chonj a hès-té, me hoér, pe zisken el latin,
É tès ghet chif de lemel ol me livreu ghet-n-ein.

Chonj a mès ag en tauleu, en tauligheu bihan
A hrès ghet a huialen ar ziskoé ha vrér Ian.

Te laré : lausk, me Ianik, lausk te zictionnér,
Ha béemb attàu èl aghent en hoérik hag er brér !

Ha chonj a hès-té, me hoér, ag hur bugaléah ?
Ne mès ket mé ankoéhet en amzér-zé biskoah.