« Er rô a ramb de monnet d’hou chapel,
« Ghet hur mam beur hag hun tad, diarhein,
« Hemb larèt ghir, ar yun ha digabel ;
« Tro er chapel a remb ar hun deulin. » (bis.)
— Tra burhudus ! er goal-amzér a dàu !
Er heih peskour ne gol ket é vuhé !
— Én trebilleu, pedamb er Sænt attàu ;
Sàuamb attàu hur halon trema Doué ! (bis.)
ROM.
18 Kala-gouyan 1840.
Me garehé, Rom, ha kannein ;
Mæs ha kannein ne hellan ket !
Ne hellan nameit ha kârein
Drès kement tra a zo ér bed !
Pe ne gârehen ket Roma,
Petra a gârehen enta ?
