« O me merh, n’hellès ket gouyet « Péh ker poénius-é bout én tan ! « Péghement ’hirvoudan monnet « D’em unanein ghet Doué én nean ! (bis.) « Pe vein é ty en Eutru Doué, « Aveid oh me bedou d’em zro, « Eit ma tehet un dé ehué « D’er hârein ghet-n-emb ér gùir vro. »(bis.) — Kentéh, avel ur gogussen, En hum zistré en inean vad. — Én eurustet é ma bremen En inean-zé ghet Doué hé zad ! (bis.)
Oh ! na péh un divroereah A pe chomér hemb mam ér bed ! Bet hé marv ne houyér ket hoah Péghement ur vam zo kâret. (bis.) Anna, merh youank a Bléren, Hé mam ehué en doé kollet ; Hé deulegad, èl ur vamen, Ur mor a zar en doé scùillet ! (bis.)
