Pajenn:Le Garrec - Moueziou an Abardaë-Noz.djvu/73

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
— 69 —



Echu eo tre roched Yann-Ber
D’ober,
Echu eo tre roched Yann-Ber ;
Pemzek kwenneg a briz kemer
D’ober plijadur d’e gommer ;
Pemzek kwenneg a briz kemer :
Marc’had mad eo ar c’hemener.

Sonjit ! eur roched a bez kaer,
Tud ker,
Sonjit ! eur roched a bez kaer !
Ha c’hoaz a-wechou lavarer,
Dre n’ouveer ket petra raer,
Ha c’hoaz a-wechou lavarer
E talv eun dén nao gemener.

Gwir eo, pa zistrôas Yann-Ber
D’ar gêr,
Gwir eo, pa zistrôas Yann-Ber,
’Kavas ar roched kloz ha berr,
Chomet ar pastellou d’ober,
’Kavas ar roched kloz ha berr :
Fazîa c’hall ar c’hemener.

Gant pez a zo vo red ober,
« Yann-Ber,
« Gant pez a zo vo red ober ;
« D’in-me ne vo foeltr tamm re verr
« D’ober eun hiñviz gant kolier,
« D’in-me ne vo foeltr tamm re verr :
« Bennoz Doue d’ar c’hemener ! »


————