Me eo luskeller Breiz-Izel :
Me rôas d’ei nerz ha skoazel
Pa deuas a Vreiz-Veur amañ,
Damdost he c’halon da rannañ ;
Me zougas ar c’henta kavel
Ma kouskas ennan Breiz-Izel.
Me eo luskeller Breiz-Izel :
Pa deu war ruilh dreist ar rec’hel
Va lannou gwer peurgounnaret,
Me bok d’am bro muia karet,
Hag a gan eur zon divarvel
D’am merc’hig koanta Breiz-Izel.
Me eo luskeller Breiz-Izel :
Pa vent war al listri brezel
En dro da vaniel Frans bodet,
Me oar rei d’he martoloded
Kalon da stourm bete mervel
Vid enor o bro Breiz-Izel.
