Pajenn:Le Garrec - Moueziou an Abardaë-Noz.djvu/147

Eus Wikimammenn
Adlennet eo bet ar bajenn-mañ
— 143 —



Tud pinvik a deuio, stouet o fenn gantê,
Da c’houlenn diganid, Pried ar Baourante,
An doare da denna dousder eus an daelou,
Kaerder eus ar gwallou,
Ha soniou divarvel eus tan ar brezellou.

Diou vamm o deus gouelet hag a ouelo warnout,
Brevet o c’halonou dre grizder an darvoud
A ziframmas he mab digant unan anê
Hag, e-kreiz ma kanê,
A laeras d’e Vamm Breiz barz-meur enezenn Groe.

Diskuiz eta, Bleimor, harpet war da dellid,
Heb keuz d’an delouenn bet ankouaet sevel d’id :
N’eus forz pegen didrouz vo da gousk diveza,
Te vo trec’h d’an Ankoua,
Ken braz en es kourve vel neb all en e za.


————