Pajenn:Le Coat - Kanaouennou kristen, 1889.djvu/95

— 85 —

2.

Me wel atao va fec’hed dirag va daoulagad,
Evel eur gwal amezek, euz ma brezellekat
Na vezin biken salvet ma na rez va Doue
Eur mirakl braz em andred, en eur chanch va bue,

3.

Na wife den lavaret, na ped gwech, na da bed,
Ec’h euz te roet pardon euz a bep sort pec’hed.
Pardon, pardon eta d’in, brema evit biken,
Ma teuo prest va ine da skuba he anken.

4.

Va neta euz va fec’hed ha tremp mad va ine,
Peurneta c’houek va c’haloun ebarz da garante,
Neuze ganet a spered, me az heulio bemde
Hag eun deiz barz en envou, euruz e vezin-me.