29 Sibbekai, an Hushatit ; Ilai, Akokit ; 30 Maharai, Netofatit ; Heled, mab Baana, Netofatit ; 31 Itai, mab Bibai, euz Guibea, euz bugale Benjamin ; 32 Benaia, Pirathonit ; Hurai, euz Nakale-Gaash ; 33 Abiel, Arbathite ; Azmaveth, Bakarumit ; Eliakba, Shaalbonit ; 34 Bene-Hashem, Guizonit ; Jonathan, mab Shague, Hararit ; 35 Akijam, mab Sakar, Hararit ; Elifal, 86 mab Ur ; 36 Hefer, Mekerathit ; Akija, Pelonien ; 37 Hetsro, euz Karmel ; 38 Naarai, mab Ezbai ; Joel, breur Nathan ; 39 Mibkar, mab Hagri ; Tselek, Ammonit ; Nakarai, Beerothit, pehini a zouge armou Joab, mab Tseruja ; 40 Ira, Jithrit ; Gareb, Jithrit ; 41 Uri, an Hethian ; Zabad, mab Aklai ; 42 Adina, mab Shiza, ar Rubenit, chef ar Rubenited, ha tregont ganthan ; 43 Hanan, mab Maaka ; Josafat, Mithnit ; 44 Uzzija, Ashtherathit ; Shama ha Jehiel, mab Hotham, Aroerit ; 45 Jediael, mab Shimri ; Joka, he vreur, an Thitsit ; 46 Eliel, euz Makavim, Jeribai ha Joshavia, mab Elnaam ; 47 Jithma, Moabit ; Eliel, Obed, ha Jaasiel-Metsobaja.
12 Setu ama ar re a ieaz da Tsiklag, da gaout David, pa oa c’hoaz pell euz Saül, mab Kis. Ober a reent lod euz an dud kalounek pere a sikoure anezhan er brezel, 2 armet gant ar warek, o teurel mein gant an dorn deou ha gant an dorn kleiz, hag o tenna mirennon gant ar warek. Euz Benjamin e oant, a douez breudeur Saül.
3 Ar chef Akiezer ha Joas, bugale Shemaa, euz Guibea ; Jeziel ha Pelet, bugale Azmaveth ; Beraka ; 4 Jehu, euz Anatoth ; Jishmaeja, Gabaonit, kalounek entouez an tregont, ha dreist an tregont ; Jeremi ; Jakaziel ; Jokanan ; Jozabad, Guederotit ; 5 Eluzai ; Jerimot ; Bealia ; Shemaria, Shefatia, Harufian ; 6 Elkana ; Jishija ; Azareel ; Joezer ha Jashobeam, Korited ; 7 Joela ha Zebadia, bugale Jerokam, euz Guedor.
8 A douez ar C’hadited, en em dennaz da gaout David, er c’hrenv, en distro, brezellerien kalounek mad evit ar brezel, o finval an diren hag ar waf, henvel euz leoned, ha ken buhan hag he iezed var ar meneziou : 9 Ezer, ar chef ; Obadia, an eil ; Eliab, an drede ; 10 Mishmanna ar bevare ; 11 Jeremi, ar bempved ; Atthai, ar c’hwec’hved ; 12 Eliel, ar seizved ; Jokanan, an eizved ; Elzabad, an naoved ; 13 Jeremi, an dekved : Makbannai, an unnekved. 14 A douez bugale Gad e oant, chefou an arme ; unan hepken, an distera, a dalvee kant, hag ar brasa mil. 15 Ar re ze eo ar re a dremenaz ar Jourdan er c’henta mis, pa en em divord var he holl vordou, ha pere a lakeaz en tec’h holl dud an traouniennou, er savheol hag er c’husheol.
16 Dont a reaz ive bugale euz Benjamin hag euz Juda, da gaout David, d’ar c’hrenv. 17 David a ieaz araog dezhei, hag, o kemer ar gomz, he lavaraz dezhei : Mar ez oc’h deuet en eur spered a beoc’h entrezek ennoun, evit va zikour, va c’haloun en em unano deoc’h ; mes ma ez eo evit va zroumpla evit mad va enebourien, petra benag n’oun koupabl a violans ebet, ma welo Doue hon zadou kement se, ma raio reizded ! 18 Neuze Amasai, chef ar re a vrezellie var girri, a oe goloet gant ar Spered, hag a lavaraz : Ni a zo d’id, David, ha ganez, mab Isaï ! Peoc’h, peoc’h d’id ! Ha peoc’h d’an hini a sikour ac’hanout, rag da Zoue Hen deuz da sikouret ! Ha David a zigemeraz anezhei, hag a lekeaz anezhei entouez chefou he droupou.
19 Euz Manasse, e oe ive pere a ieaz da Zavid, pa zeuaz gant ar Filistined da vrezelli a enep Saül. Mes David hag he dud ne zikouraz ket anezhei, abalamour prinsed ar Filistined, goude beza sonjet, a gasaz anezhan kwit, o lavarout : Tremen a rafe d’he aotrou Saül, en riskl hor fennou. 20 Pa zistroaz da Tsiklag, Adna, Jozabad, Jediael, Mikaal, Josabad, Elihu ha Tsilethai, chefou milierou Manasse, a ieaz ganthan. 21 Sikour a rejont David a enep bandennou an Amalekited ; rag holl e oant brezellerien kalounek, hag e oent chefou en arme. 22 Ha bemdez e teue tud entrezek David evit sikour anezhan, bete ober eur c’han bras, evel kan Doue.
23 Setu ama an niver euz an dud gwisket evit an arme, pere a zeuaz da gaout David en Hebron, evit rei dezhan rouantelez Saül, hervez urz an Aotrou :
24 Mibien Juda, o tougen an diren hag ar gwaf, c’hwec’h mil eiz kant, doareet d’an arme.
25 A vibien Simeon, brezellerien kalounek evit an arme, seiz mil kant.
26 A vibien Devi, pevar mil c’hwec’h cant ; 27 ha Jehojada, prins Aaron, ha ganthan tri mil seiz kant den ; 28 ha Tsadok, den iaouank, krenv ha kalounek, ha ti he dad : daou chef varn-ugent.
