Er huèzêcvèd dè a vis en Avend. SANT ADON, Arhescob. Saht Adon , guenédicg ag en escobti a Sans, ér rante-leah a France, e oé bet laqueit abrct én ur houvand aveit bout disquet ha dessâuet mad inou. En dout e ré ur sperèd douce, gracius ha perpet ingal, hac en ol e oé souéhet E huélet quement a avistet én ur hroaidur quer youancq. Ei m’hum ré ol d’er studi ha d’er pratique ag er vertuyeu , é tas, hemb tardein, de vout unan ag er ré abillan ag é amzér, ha sel-mui ma té de vout abil, sel-mui è oé humble. Monnet e ras dré zevotion de Rome aveit visitein béieu en Apos-tolèd sant Pierre ha sant Paul, ha chomme e ras inou durant puemb plai. Én ur zistroein a Rome, ean e bassas dré Lyon, é péh léh sant Remi, Arhescob ag er guér-cé, pèhani en istimé bras, en dalhas élal d’ou aveit labourat eit salvedigueah en ineaneu ag é escobti. Er gobér e ras guet quement a hrèd ha guet quement a fréh, ma véritas bout laqueit goudé de vout Arhescob ér guér a Yienne. Er Bugul santel-men e oè sourcius bras de veillein ar é boble ha d’hum acqùittein ag en ol devérïeu ag è gargue ; maes ellein e rér larèt en en doé ur soign particuliér d’ins-trugein er ré dihouyêc ha de sècour er béherion vras péré en doé volanté vad de retourne de Zoué; èl m’en doé eit er ré-men ur vadeleah, un doustér hac ur garanté hemb par, ean c douché hac e hounié ou haloneu dré en aviseu mad e ré dehai, hac e bourfité nezé ag eñ disposition eurus-cé aveit inspirein dehai un horreur bras doh er péhèd hac ou inga-gein de bratiquein a galon vad er benigen. En desir berbuidant en doé de gonvertissein er vrassan péherion ha de laquat en ol de gârein ha de bratiquein er benigen, e hroas dehou seuel ur chapél én inour d’en tri penitand bras a béré è conze en aviél, santès Mari-Madelén, sant Pierre hac el Lair mad, péré e zou patromèd en ineaneu penitand. Doué e ziscoas péh quen agréable e oé dehou en devotion é andret er benitandèd santel-men dré un nombre bras a viracleu e arrihuas ér chapél-zé.
