— 16 —
EM C’HOSNI.
————
War don : Ilis ma Farros.
————
|
Em c’hosni me garfe gwelet
Tud Breiz-Izel holl unanet,
Holl o pedi ’nn Aotrou Doue,
Gant eur galon hag eun ene.
Gwelet ma breudeur ar Barzed,
Ma breudeur ker holl unanet
O kana war ho zelennou
Da Vreiz, hor bro, pep seurt toniou ;
Gwelet ed pell ann teir gwalen
Ha bennos ann env war hoz penn,
Gwelet eost mad leiz ar parkou,
Da rei d’ar paour a zac’hadou.
Em c’hosni me garfe gwelet
Bara, dour mad d’ar Vretoned,
Iec’hed ha joa ha buez vad,
Ha karantez e pep tiad :
Gwelet ann holl vugaligou
Koant evel elez ann envou,
Iaouankiz fur ha tud a feiz
Hag ar re goz evel sent Breiz.
|
