l. Dum plaudit aula cœlitum,
Nostrum polo dum cantibus,
Patrem micantem personat,
Natis silere sit nefas.
2. Suis procul qui finibus
Pestem Briocus depulit,
Hic, qui manebant, impios
Ritus deorum sustulit.
3. Signis potens, fractum femur
Sanavit, artus languidos ;
At quot tulit potentius
Ægris medelam mentibus.
4. Hæc nostra pressit limina,
Hic vota fudit, hic preces,
Hic thura supplex; his Deo
Libavit aris victimam.
5. Orbes, Brioce, qui super
Securus aureos poli
Toto potiris nunc Deo,
Gregem benignus respice.
6. Clerum tuere, da tuos
Fidus sequatur tramites:
Mores patris fac induat
Fidemque servet integram.
7. Deo Patri sit gloria,
Et Filio qui a mortuis
Surrexit, ac Paraclito,
In sempiterna secula.
Amen.
V/. Protector noster, aspice, Deus, alleluia.
R/. Et respice in faciem Christi tui, alleluia.
l. Te Joseph, celebrent agmina Cœlitum,
(...)
[Ha kemend-all.]
