— 142 —
|
- O ! dont a ray hep pelldale
’Vel bugel ’-touez e vugale :
Nerz a roy d’imp ha sklerijenn,
Ma fell d’imp ober pinijenn.
- D’eun arc’hael gant Doue kaset
Betek he zi e Nazared,
Ar Werc’hez Vari respontas :
« Mat eo, Mamm ’vin d’ar Mesiaz. »
- Eur steredenn en oabl glas-pers
Etrezek ar Jude a gerz ;
War he lerc’h prinsed a-bell bro,
A weler o tont war-eun-dro.
- War Vetleem, eus an Nenvou,
An Aelez a daol o sellou :
Eur veuleudi o deus desket
Na oa ket bet biskoaz klevet.
- Krouer ar bed, c’houi adarre
Zo douget evit ho pugale ;
D’eoc’h ha da Jezuz ’n e gavell
Hon eus hast da gana Nouel.
|
N° CVIII. — Deut, Salver ar bed.
|
- Deut, Salver ar bed, diskennit,
Ha diouz Satan Hon dizammit ;
Diskennit eus ar Baradoz,
Ni ’zo pell ’zo ouz ho kortoz.
- Graet e bec’hed, hon tad Adam
A rankas kuitaat an Eden :
Abaoe ’veltan pebez samm
N’hon eus ket ni ranket dougen.
- Raktal, eneb d’e vugale,
An diaoul a stignas e lasou,
Hag an dud dallet dizale,
A ’n em golle a-vagadou.
- War ar bed kablus, ma Doue,
An dour-beuz hoc’h eus c’houi ledet ;
Eiz den hepken en Arc’h Noe
Ouz ar maro a voe miret.
|
