Pajenn:Instructioneu santel ar er gurionnéeu principal ag er religion, 1790.djvu/456

Eus Wikimammenn
Sauter à la navigation Sauter à la recherche
Ar bajenn-mañ n'eo ket bet adlennet
448
Instructioneu Santel

Mæs er-ré e chom ésprèss hemb dlméein e zeli éxaminein a dost pèh ræzon ou dès de choæge er stad-ce, ha penaus é ma ou chonge bihuein. Rac mar chomant èl-ce guet eun ag er boén, pé guet en dezir de voud attàu libr de rein d’ou horv é oulèn a fæd plijadurieu ha divertissemanteu, n’en dai quet mat ou intantion ; ou choæge n’en dai quet revè Doué : trompét int guet er goal-speret.

Mæs mar quemérant er stad-ce ésprèss eit bout liproh de chervige Doué, eit ne chongeint meid a bligein dehou hac a obér ou salvedigueah, ou intantion e zou mat ha santel, hac e gondui surroh d’en heurustæd ag en éternité. Ne zeliér quet neoah choæge er stad-ce én ur momand bèrr a zevotion, pènnadus : réd-è consultein Doué hac ur Hovezour mat quênd er hemér ; rac dangérus bras-è eid er-ré n’en dint quet galhuét dehou.

Arlerh m’hou pou hum avisét erhad, mar e hoès léh de gredein é hoh galhuét guet Doue eid er stad-ce, considéret pèh quer bras-è hou ponheur ; rac, é-mé S. Paul, en hani e zimé, e ra erhad : mæs en hani ne zimé quet, e ra hoah gùel. Renonciet a grènn d’er béd, ha hum daulet aquêrh de bratiquein en ol vertuyeu : studiet dalh-mad el Livr ag er Hombat spirituel, pé en or ag er Vuhé devod dré S. Francæs a Sale : groeit brizél d’er béd ha d’é vodeu : én ur guir, renonciet deoh hou ç’hunan, quemérét hou Croès, hac héliét Jesus-Chrouist.