En nemb a hanaüe Jesus a zispris én effet ol en treu aral. Er bed n’en dé mui nitra aveit en hani en dès tanhoueit en doustér ag é garanté.
Me éel, mar caran, en dout Jesus aveit ami. Ma ne vennehen quet clah ur bonheur quer bras, me véritehai bihuein malheurus.
Ya, me mab, carét unan ne vou quet caus deoh en dout quai hac anquin, unan ne change quet, ha péhani, é léh bout lammet guenoh dré er marhue, a zeï de vout, én ær ag er marhue, hou possession éternel.
Jesus é hunan a zou en ami fidel ha dalhable péhani ne abandonne jamæs èl ma ra en amiet aral.
Ur gonze hemb quin a vêc en ami-zé a laca er gonsolation én ur galon affliget. Er-réral n’en dint liés meit consolerion annéus.
Péh dioustedigueah, péh chagrin a éellet-hui hou pout, ha péh annemis a éel gobér droug deoh, mar e hoès caranté Jesus én hou calon ?
